السبت , ديسمبر 3 2016

الرئيسية / أخبارك / تعرف على خطوات علاج لسعات “قنديل البحر”
تعرف على خطوات علاج لسعات “قنديل البحر”

تعرف على خطوات علاج لسعات “قنديل البحر”

كشف الدكتور هاني الناظر رئيس مركز البحوث السابق، عن خطوات العلاج من لسعات قنديل البحر.

 وقال في تدوينة عبر حسابه على موقع التواصل الاجتماعي “فيس بوك”: “نظرًا لتكرار الحالات التي فحصتها الأيام الماضية، أعيد كلامي وأقول.. هذه الأيام من السنة ومع نزول الناس للاستحمام في البحر بيحصل أحيانا إنه يكون في قناديل البحر”.

وتابع: “والحقيقة عند تعرض جلد الإنسان للإفرازات التي تفرزها تلك القناديل بيحصل التهاب شديد في الجلد ومؤلم جداً ويسبب إحساس بالحرقان نتيجة إن الإفرازات دي بتحتوي على مواد عضوية قلوية كاوية وأحيانًا الإصابة تترك آثارًا لعدة شهور”.

 

وأضاف: “والسؤال هنا إيه اللي نعمله بسرعة عقبال ما نروح للدكتور أو المستشفى؟ أول حاجة نعملها وبسرعة غسل الأماكن المصابة بمياه البحر المالحة (وليس مياه الحنفية) وبعد كدة ندهن المكان بحاجة حمضية علشان نعادل القلوية زي مثلاً الخل وإذا ماكانش في خل يبقى ممكن نستعمل زبادي (وبلاش عصير ليمون)، وبعد خمس دقائق نمسح المكان المصاب بسفنجة بماء دافئ لمدة عشر دقائق علشان نشيل بقايا المواد العضوية اللي عادلناها بالخل أو الزبادي ومع الكلام ده كله ضروري ناخد قرص حساسية (مضاد الهستامين)”.

وواصل: “ثم نتوجه للطبيب وإذا ما كانش في طبيب متخصص قريب يبقى ممكن نبدأ بنفسنا نعالج الإصابة بدري علشان منتاخرش والعلاج بيكون بدهان الأجزاء المصابة بخليط من كريم درماتوب (كورتيزون خفيف)، وكريم ميبو (كريم حروق) والدهان مرة الصبح ومرة بالليل لمدة أسبوع لعشرة أيام أو لغاية ما نروح للطبيب إذا كان هناك حاجة بعد كدة لزيارة الطبيب”.

.. اقرأ المزيد ←

اضف رد

لن يتم نشر البريد الإلكتروني . الحقول المطلوبة مشار لها بـ *

*